Skip to main content
Environment
Ir-restrizzjonijiet tal-UE fuq ċerti plastiks li jintużaw darba biss

Informazzjoni u riżorsi dwar ir-regoli l-ġodda tal-UE dwar il-plastiks li jintużaw darba biss

L-UE qed taġixxi kontra t-tniġġis tal-plastik. Mit-3 ta’ Lulju 2021, il-platti tal-plastik li jintużaw darba biss, il-pożati, l-istros, l-istekek tal-bżieżaq u l-cotton buds ma jistgħux jitqiegħdu fis-swieq tal-Istati Membri tal-UE. Barra minn hekk, l-istess miżura tapplika għall-kikkri, għall-kontenituri tal-ikel u tax-xorb magħmula minn polistiren espandut, u għall-prodotti kollha magħmula minn plastik ossodegradabbli.

Il-prodotti tal-plastik li jintużaw darba biss huma magħmula kompletament jew parzjalment mill-plastik u huma tipikament maħsuba biex jintużaw darba jew għal perjodu qasir ta’ żmien qabel ma jintremew. Skont ir-regoli l-ġodda, ċerti prodotti tal-plastik li jintremew li għalihom jeżistu alternattivi huma pprojbiti. Ġew introdotti wkoll miżuri speċifiċi biex jitnaqqas l-użu ta’ ċerti prodotti.

Għaliex l-UE qed tindirizza l-iskart tal-plastik?

Aktar minn 80 % tal-iskart tal-baħar huwa plastiks. Il-plastik jakkumula fl-ibħra, fl-oċeani u fuq il-bajjiet fl-UE u madwar id-dinja. Ir-residwi tal-plastik jinsabu fl-ispeċijiet tal-baħar – bħall-fkieren tal-baħar, il-foki, il-balieni u l-għasafar, iżda wkoll fil-ħut u fil-frott tal-baħar, u għalhekk fil-katina alimentari tal-bniedem.

Filwaqt li l-plastiks huma materjal konvenjenti, utli u li jistgħu jiġu vvalutati, dawn jeħtieġ li jintużaw, jintużaw mill-ġdid u jiġu rriċiklati aħjar. Meta jiġu skartati, l-impatt ekonomiku tal-plastiks jinkludi mhux biss il-valur ekonomiku mitluf fil-materjal, iżda wkoll l-ispejjeż tat-tindif u tat-telf għat-turiżmu, għas-sajd u għat-tbaħħir.

Pubblikazzjonijiet

Fuljett li jiġbor fil-qosor ir-regoli tal-UE li jimmiraw l-ammont kbir ta’ plastik li jintuża darba biss u ta’ tagħmir tas-sajd li fih il-plastik.

Indawru r-rotta fuq il-plastiks li jintużaw darba biss

Animazzjonijiet

Ara l-animazzjonijiet dwar xi wħud mill-oġġetti tal-plastik li jintużaw darba biss koperti mir-regoli l-ġodda tal-UE

Cotton bud

Pożati

Stros

 

Vidjos

Ara l-vidjo biex tiskopri l-verità inkonvenjenti dwar il-plastiks li jintużaw darba biss

 

Strixxuni tal-Midja Soċjali

Niżżel strixxun tal-plastik li jintuża darba biss għall-użu fuq pjattaformi differenti tal-Midja Soċjali

Social Media SUP banners
English
(4.07 MB - ZIP)
Iddawnlowdja

 

Regoli tal-UE

Azzjoni tal-UE dwar il-plastiks li jintużaw darba biss

© solarseven / Getty Images

L-UE qed tindirizza l-10 oġġetti tal-plastik li jintużaw darba biss li jinsabu l-aktar fuq il-bajjiet tal-Ewropa, u qed tippromwovi alternattivi sostenibbli.