Strateġija dwar il-plastik

Il-plastiks huma materjal importanti fl-ekonomija u fil-ħajja ta’ kuljum tagħna. Madankollu, jista’ jkollhom effetti negattivi serji fuq l-ambjent u s-saħħa tal-bniedem.

L-UE adottat strateġija Ewropea għall-plastik f’Jannar 2018. Din hija parti mill-pjan ta’ azzjoni tal-UE dwar l-ekonomija ċirkolari, u tibni fuq miżuri eżistenti biex jitnaqqas l-iskart tal-plastik.

L-istrateġija dwar il-plastik hija element ewlieni tat-tranżizzjoni tal-Ewropa lejn ekonomija ċirkolari u newtrali għall-karbonju. Din se tikkontribwixxi biex jintlaħqu l-Għanijiet ta’ Żvilupp Sostenibbli tal-2030, l-objettivi tal-Ftehim ta’ Pariġi dwar il-Klima u l-objettivi tal-politika industrijali tal-UE.

Objettivi

L-istrateġija dwar il-plastik għandha l-għan li tipproteġi l-ambjent tagħna u tnaqqas l-iskart fil-baħar, l-emissjonijiet tal-gassijiet serra u d-dipendenza tagħna fuq il-fjuwils fossili importati. Din se tappoġġa mudelli ta’ konsum u produzzjoni aktar sostenibbli u aktar sikuri għall-plastik.

L-istrateġija dwar il-plastik għandha l-għan ukoll li tittrasforma l-mod kif il-prodotti tal-plastik jiġu ddisinjati, prodotti, użati u riċiklati fl-UE.

Azzjonijiet

Ir-riċiklaġġ isir profittabbli għan-negozju

regoli ġodda dwar l-imballaġġ biex tittejjeb ir-riċiklabbiltà tal-plastik u tiżdied id-domanda għall-kontenut tal-plastik riċiklat
it-titjib tal-ġbir separat tal-iskart tal-plastik
It-tnedija ta’ kampanja ta’ wegħdiet madwar l-UE mmirata lejn l-industrija u l-awtoritajiet pubbliċi

It-tnaqqis tal-iskart tal-plastik

Direttiva dwar prodotti tal-plastik li jintużaw darba u t-tagħmir tas-sajd
miżuri li jirrestrinġu l-użu ta’ mikroplastiks fil-prodotti u jindirizzaw u jnaqqsu r-rilaxx mhux intenzjonat ta’ mikroplastiks fl-ambjent
miżuri fuq plastiks b’bażi bijoloġika, bijodegradabbli u kompostabbli
regoli ġodda dwar il-faċilitajiet ta’ akkoljenza fil-portijiet biex jiġi indirizzat l-iskart fil-baħar

It-tmexxija tal-innovazzjoni u l-investiment

żieda fl-appoġġ għall-innovazzjoni, b’EUR 100 miljun addizzjonali biex jiġu żviluppati materjali tal-plastik aktar intelliġenti u riċiklabbli, biex il-proċessi ta’ riċiklaġġ isiru aktar effiċjenti, u biex jiġu traċċati u eliminati sustanzi u kontaminanti perikolużi mill-plastik riċiklat

L-ixprunar tal-bidla globali

il-ħidma mas-sħab internazzjonali tagħna biex jitfasslu soluzzjonijiet globali u biex jiġu żviluppati standards internazzjonali dwar il-plastik

Għal lista sħiħa ta’ azzjonijiet u l-iskeda ta’ żmien tagħhom, ara l-Anness I tal-istrateġija dwar il-plastik.

Skeda ta’ żmien

Azzjonijiet preċedenti u futuri

11 ta’ Marzu 2020
Il-Kummissjoni Ewropea tadotta pjan ta’ azzjoni ġdid dwar l-ekonomija ċirkolari, inkluż proposti leġiżlattivi riveduti dwar l-iskart
2 ta’ Lulju 2019
Id-Direttiva dwar il-plastik li jintuża darba tidħol fis-seħħ
28 ta’ Mejju 2018
Proposta tal-Kummissjoni għal Direttiva dwar il-plastik li jintuża darba biss
16 ta’ Jannar 2018
Il-Kummissjoni tadotta strateġija tal-UE dwar il-plastik

Oqsma ta’ politika

Strateġiji konnessi

Suġġetti relatati

L-Iżvilupp sostenibbli

Aħbarijiet

11 ta’ Marzu 2020: Inbiddlu l-mod kif nipproduċu u nikkonsmaw: Pjan ta’ Azzjoni Ġdid għal Ekonomija Ċirkolari juri t-triq lejn ekonomija newtrali għall-klima u kompetittiva magħmula minn konsumaturi infurmati
21 ta’ Mejju 2019: Ekonomija Ċirkolari: Il-Kummissjoni tilqa’ l-adozzjoni finali tal-Kunsill ta’ regoli ġodda dwar il-plastik li jintuża darba biss sabiex jitnaqqas l-iskart tal-plastik fil-baħar
28 ta’ Mejju 2018: Plastik li jintuża darba biss: Regoli ġodda tal-UE biex jitnaqqas l-iskart fil-baħar
16 ta’ Jannar 2018: L-Iskart tal-Plastik: strateġija Ewropea biex inħarsu l-pjaneta, niddefendu ċ-ċittadini tagħna u nsaħħu l-industriji tagħna
16 ta’ Jannar 2018:Mistoqsijiet u Tweġibiet: Strateġija Ewropea għall-plastik