Is éard is aidhm don fhís le haghaidh 2050 maidir le truailliú nialasach laghdú a dhéanamh ar an truailliú aeir, uisce agus ithreach go leibhéil nach measfaí a bheith díobhálach don tsláinte agus d’éiceachórais nádúrtha a thuilleadh, agus lena bhfantar i mbun na measarthachta lena bhfuil ár bpláinéad in ann a bheith ag teacht, lena gcruthaítear, dá bhrí sin, comhshaol atá saor ó thocsainí.

Déantar an méid sin a aistriú ina bpríomhspriocanna le haghaidh 2030 chun dlús a chur le laghdú an truaillithe ag an bhfoinse. Ar na spriocanna sin tá an méid seo a leanas:

• feabhas a chur ar cháilíocht an aeir chun laghdú 55% a dhéanamh ar líon na mbásanna anabaí a tharlaíonn de bharr thruailliú an aeir;
• cáilíocht an uisce a fheabhsú trí laghdú a dhéanamh ar dhramhaíl, bruscar plaisteach ar muir (50%) agus micreaphlaistigh arna scaoileadh isteach sa chomhshaol (30%);
• cáilíocht na hithreach a fheabhsú trí laghdú 50% a dhéanamh ar chaillteanas cothaitheach agus úsáid lotnaidicídí ceimiceacha;
• laghdú 25% a dhéanamh ar éiceachórais an Aontais mar a mbíonn an t-aerthruailliú ag bagairt ar an mbithéagsúlacht;
• laghdú 30% a dhéanamh ar líon na ndaoine atá ag fulaingt ar bhonn ainsealach i ngeall ar thorann iompair, agus 
• laghdú suntasach a dhéanamh ar ghiniúint na dramhaíola agus laghdú 50% a dhéanamh ar dhramhaíl chathrach iarmharach.

Is é is aidhm don phlean gníomhaíochta ceannaireacht ghlas, dhigiteach agus eacnamaíoch an Aontais a neartú, agus Eoraip agus pláinéad atá níos sláintiúla agus níos cothroime ó thaobh na sochaí de a chruthú. Cuireann sé compás ar fáil chun cosc ar thruailliú a phríomhshruthú i mbeartais ábhartha uile an Aontais, chun dlús a chur le cur chun feidhme reachtaíocht ábhartha an Aontais agus chun bearnaí a shainaithint a d’fhéadfadh a bheith ann.

Fógraíodh leis an gComhaontú Glas don Eoraip príomhghníomhaíochtaí maidir le truailliú nialasach.

• Straitéis ceimiceán um an inbhuaine– chun cosaint níos fearr a thabhairt do shaoránaigh agus don chomhshaol.
• Plean gníomhaíochta um uisce, aer agus ithir saor ó thruailliú – chun an truailliú a chosc agus a leigheas, agus monatóireacht agus tuairisciú níos fearr a dhéanamh air.
• Athbhreithniú a dhéanamh ar bhearta chun aghaidh a thabhairt ar thruailliú ó shuiteálacha tionsclaíocha móra – chun a chinntiú go bhfuil siad comhsheasmhach le beartais aeráide, beartais fuinnimh agus beartais an gheilleagair chiorclaigh.

Gníomhaíochtaí um thruailliú nialasach a bhí ann roimhe agus atá le teacht amach anseo

• Aer: Gníomhaíocht an Aontais chun cáilíocht an aeir a fheabhsú agus truailliú ar an aer a laghdú.
• Ceimiceáin: Gníomhaíocht an Aontais lena chinntiú go mbíonn ceimiceáin sábháilte don tsláinte agus don chomhshaol.
• An geilleagar ciorclach: Aistriú an Aontais chuig geilleagar ciorclach ina gcuirtear béim ar an bhfás glas.
• Astaíochtaí tionsclaíocha: Gníomhaíocht an Aontais chun an earnáil tionsclaíochta a dhéanamh níos inbhuanaithe agus chun astaíochtaí tionsclaíocha a laghdú.
• An comhshaol muirí agus cósta: Gníomhaíocht an Aontais chun cóstaí, farraigí agus aigéin na hEorpa a chosaint.
• An dúlra agus an bhithéagsúlacht: Gníomhaíocht an Aontais maidir le caomhnú agus cosaint an chomhshaoil.
• Torann: Gníomhaíocht an Aontais chun truailliú comhshaoil de theasca torainn a laghdú.
• Plaistigh: Gníomhaíocht an Aontais maidir le táirgeadh agus truailliú plaisteach chun cur le geilleagar ciorclach.
• Ithir agus talamh: Gníomhaíocht an Aontais maidir le húsáid inbhuanaithe na hithreach agus na talún.
• Uisce: Gníomhaíocht an Aontais maidir le saincheisteanna uisce chun acmhainní uisce a chosaint.

• An Comhaontú Glas don Eoraip 
• Soghluaisteacht chliste
• An Rabharta Athchóiriúcháin
• An Plean Gníomhaíochta Sáraithe Ailse

• Talmhaíocht agus iascach
• An geilleagar agus airgeadas
• Taighde agus nuálaíocht
• Gníomhú ar son na haeráide
• Fuinneamh

• Teachtaireacht maidir le Plean Gníomhaíochta an Aontais Eorpaigh: ‘I dtreo Uisce, Aer agus Ithir Saor ó Thruailliú’ agus iarscríbhinní
• Doiciméad inmheánach oibre: Réitigh Dhigiteacha um Thruailliú Nialasach
• Doiciméad inmheánach oibre: I dtreo creat faireacháin agus ionchais le haghaidh uaillmhian an truaillithe nialasaigh
• Bileog eolais maidir leis an bPlean Gníomhaíochta le haghaidh Truailliú Nialasach: ‘2050: A Healthy Planet for All’ [Pláinéad sláintiúil do chách]
• Achoimre iomlán – torthaí an chomhairliúcháin phoiblí maidir leis an bPlean Gníomhaíochta le haghaidh Truailliú Nialasach
• Tuarascáil achomair fhíorasach ar thorthaí an chomhairliúcháin phoiblí
• Treochlár – Plean Gníomhaíochta le haghaidh Truailliú Nialasach
• Bileog eolais – deireadh a chur leis an truailliú