Il-viżjoni ta’ tniġġis żero għall-2050 hija li t-tniġġis tal-arja, tal-ilma u tal-ħamrija jitnaqqas għal livelli li ma jibqgħux jitqiesu ta’ ħsara għas-saħħa u għall-ekosistemi naturali, li jirrispettaw il-konfini li l-pjaneta tagħna tista’ tlaħħaq magħhom, u b’hekk jinħoloq ambjent ħieles mis-sustanzi tossiċi.

Dan jissarraf f’miri ewlenin għall-2030 biex jitħaffef it-tnaqqis tat-tniġġis mis-sors. Dawn il-miri jinkludu:

• it-titjib tal-kwalità tal-arja b’55% biex jitnaqqas l-għadd ta’ mwiet prematuri kkawżati mit-tniġġis tal-arja;
• it-titjib tal-kwalità tal-ilma billi jitnaqqas l-iskart, iż-żibel tal-plastik fil-baħar (b'50%) u l-mikroplastiċi rilaxxati fl-ambjent (bi 30%);
• it-titjib tal-kwalità tal-ħamrija billi jitnaqqas it-telf tan-nutrijenti u l-użu tal-pestiċidi kimiċi b’50%;
• it-tnaqqis b’25% tal-ekosistemi tal-UE fejn it-tniġġis tal-arja jhedded il-bijodiversità;
• it-tnaqqis bi 30% fil-faxxa tan-nies li jsofru minn mard kroniku minħabba l-istorbju tat-trasport, u 
• it-tnaqqis sinifikanti tal-ġenerazzjoni tal-iskart u l-iskart residwu muniċipali b’50%.

Il-pjan ta’ azzjoni għandu l-għan li jsaħħaħ it-tmexxija ekoloġika, diġitali u ekonomika tal-UE, filwaqt li joħloq Ewropa u pjaneta aktar b’saħħithom u soċjalment aktar ġusti. Dan jipprovdi boxxla biex il-prevenzjoni tat-tniġġis tiġi integrata fil-politiki rilevanti kollha tal-UE, biex tiżdied l-implimentazzjoni tal-leġiżlazzjoni rilevanti tal-UE u biex jiġu identifikati lakuni possibbli.

Il-Patt Ekoloġiku Ewropew ħabbar azzjonijiet ewlenin dwar it-tniġġis żero.

• Strateġija dwar is-Sustanzi Kimiċi għas-Sostenibbiltà- biex tipproteġi aħjar liċ-ċittadini u lill-ambjent kontra sustanzi kimiċi perikolużi.
• Pjan ta’ Azzjoni għal tniġġis żero għall-ilma, għall-arja u għall-ħamrija - biex nipprevenu, nirrimedjaw, nimmonitorjaw u nirrappurtaw it-tniġġis
• Reviżjoni tal-miżuri biex jiġi indirizzat it-tniġġis minn installazzjonijiet industrijali kbar - biex jiġi żgurat li jkunu konsistenti mal-politiki dwar il-klima, l-enerġija u l-ekonomija ċirkolari.

Azzjonijiet preċedenti u futuri ta’ tniġġis żero

• Arja: Azzjoni tal-UE għat-titjib tal-kwalità tal-arja u t-tnaqqis tat-tniġġis tal-arja
• Sustanzi kimiċi: Azzjoni tal-UE biex tiżgura li s-sustanzi kimiċi huma sikuri, għas-saħħa u għall-ambjent.
• Ekonomija ċirkolari: It-tranżizzjoni tal-UE lejn ekonomija ċirkolari b’enfasi fuq it-tkabbir ekoloġiku.
• Emissjonijiet industrijali: Azzjoni tal-UE biex l-industrija ssir aktar sostenibbli u jitnaqqsu l-emissjonijiet industrijali.
• Ambjent kostali u tal-baħar: Azzjoni tal-UE għall-protezzjoni tal-kosti, l-ibħra u l-oċeani tal-Ewropa.
• Natura u bijodiversità: Azzjoni tal-UE dwar il-konservazzjoni u l-protezzjoni ambjentali.
• Storbju: Azzjoni tal-UE biex jitnaqqas it-tniġġis akustiku ambjentali.
• Plastik : Azzjoni tal-UE dwar il-produzzjoni u t-tniġġis tal-plastik biex tikkontribwixxi għal ekonomija ċirkolari.
• Ħamrija u art: Azzjoni tal-UE għall-użu sostenibbli tal-ħamrija u l-art.
• Ilma: Azzjoni tal-UE dwar kwistjonijiet tal-ilma, biex jiġu protetti r-riżorsi tal-ilma.

• Il-Patt Ekoloġiku Ewropew 
• Mobbiltà intelliġenti
• Il-Mewġa ta’ Rinnovazzjoni
• Il-Pjan ta’ Azzjoni biex Jingħeleb il-Kanċer 

• Agrikoltura u sajd
• Ekonomija u finanzi
• Riċerka u innovazzjoni
• L-azzjoni klimatika
• Enerġija

• Komunikazzjoni dwar il-Pjan ta’ Azzjoni tal-UE: “Lejn Tniġġis Żero għall-Arja, għall-Ilma u għall-Ħamrija” u annessi
• Dokument ta’ ħidma tal-persunal: Soluzzjonijiet Diġitali għal Tniġġis Żero
• Dokument ta’ ħidma tal-persunal: “Lejn qafas ta’ monitoraġġ u prospettiva għall-ambizzjoni ta’ tniġġis żero”
• Skeda informattiva dwar il-Pjan ta’ Azzjoni ta’ Tniġġis Żero “2050: a healthy planet for all”
• Rapport fil-qosor sħiħ - riżultati tal-konsultazzjoni pubblika dwar il-Pjan ta’ Azzjoni għal Tniġġis Żero
• Rapport ta’ sinteżi fattwali tar-riżultati tal-konsultazzjoni pubblika
• Pjan direzzjonali - Pjan ta’ azzjoni għal tniġġis żero
• Skeda informattiva - l-eliminazzjoni tat-tniġġis